QAGGIAVUUT HOSTS ‘HONOUR OF THE QILAUT DRUM’, MASTER CLASSES IN THE INUIT DRUM
ᖃᒡᒋᐊᕘᑦ ᑲᑎᓐᓂᖃᖅᑎᑦᑎᕗᑦ ᐅᐱᒍᓱᓐᓂᕐᒥᒃ ᕿᓚᐅᑎᒥᒃ, ᐃᓕᓐᓂᐊᕐᓂᖅ ᖁᑦᑎᓂᖅᓴᒃᑯᑦ ᐃᓄᐃᑦ ᕿᓚᐅᔾᔭᕈᓯᖓᓂᒃ
Tuesday, March 22, 2022– IQALUIT (Canada) – Qaggiavuut, presents an advanced course in the qilaut drum dancing techniques March 25-28, bringing together masters to teach a new generation of aspiring qilaut drum dancers from across Canada.
ᐊᐃᑉᐱᖅ, ᒫᔅᓯ 22, 2022 ᐃᖃᓗᓐᓂ (ᑲᓇᑕᒥ) – ᖃᒡᒋᐊᕘᑦ, ᓴᖅᑭᑎᑦᑎᕗᑦ ᖁᑦᑎᓂᖅᓴᒃᑯᑦ ᐃᓕᓐᓂᐊᓂᕐᒥᒃ ᐃᓄᐃᑦ ᕿᓚᐅᔾᔭᕈᓯᑐᖃᖏᓐᓂᒃ `ᒫᓯ 25ᒥ 28ᒧᑦ, ᑲᑎᑎᑦᑎᓪᓗᑎᒃ ᐃᓕᓯᒪᔪᓂᒃ ᖃᐅᔨᒪᔨᑕᐅᔪᓂᒃ ᐃᓅᓱᑦᑐᓂᒃ ᐃᓕᓐᓂᐊᑎᑦᑎᓂᐊᖅᑐᑦ ᕿᓚᐅᔾᔭᖅᑎᐅᒍᒪᔪᓂᒃ ᑲᓇᑕᒥᐅᑕᕐᓂᒃ.
“ᐃᓕᓐᓂᐊᕐᓂᖅ ᑖᓐᓇ ᐃᓕᖅᑯᓯᑐᖃᑦᑎᓐᓂᒃ ᐅᑎᖅᑎᑦᑎᕙᓪᓕᐊᓂᕐᒥᒃ ᐱᔾᔪᑎᓕᒃ, ᖃᐅᔨᒪᒋᐊᖃᕐᓂᑎᓐᓂᒃ ᐃᓄᐃᑦ ᐱᐅᓯᑐᖃᖏᑎᒍᑦ ᐱᒋᐅᖅᓴᓂᕐᒥᒃ, ᐃᓕᓐᓂᐊᓂᕐᒥᒃ ᕿᓚᐅᔾᔭᖅᑎᐅᓂᕐᒥᒃ” ᓴᓇᑐᔫᓂᕐᒥᒃ ᐅᖃᖅᐳᖅ ᓘᐃ ᐋᕆᐊᒃ, ᖃᒡᒋᐊᕘᑦ ᑐᑭᒧᐊᑦᑎᑦᑎᔨᖓ.
“This course is about decolonization and the right of Inuit performing artists to learn their own culture, practice and maintain the skills of the traditional Inuit drum”, said Looee Arreak, Qaggiavuut’s Executive Director.
ᐃᓕᓐᓂᐊᑎᑦᑎᔩᑦ ᖁᑦᑎᓂᖅᓴᒃᑯᑦ ᐅᐱᒍᓱᓐᓂᕐᒥᒃ ᕿᓚᐅᑎᒥᒃ ᐅᑲᐊᖑᕗᑦ: ᒪᐃᒥᒃ ᑲᓪᓗᒃ, ᑐᓄᓂᕐᒥᐅᖅ, ᐸᑲᒃ ᐃᓄᒃᓱᒃ ᐃᒡᓗᓕᒻᒥᐅᖅ ᕿᓚᐅᔾᔭᖅᑎ, ᖃᐅᔨᒪᔨᑕᐅᔪᑦ ᐅᑯᐊ: ᓲᓴᓐ ᐊᕕᓐᖓᖅ ᐊᒻᒪᓗ ᒪᑕᓖᓐ ᐃᕙᓗ. ᓄᓇᕐᔪᐊᓕᒫᒥ ᖃᐅᔨᒪᔭᐅᔪᖅ ᓴᖅᑲᓕᐊᓯ ᑯᓄᒃ ᑕᕐᕆᔭᖅᑎᑦᑎᖃᑦᑕᓛᖅᑐᖅ ᕿᓚᐅᔾᔭᕈᓯᑐᖃᕐᓂᒃ ᓇᑲᑎᖅᓯᒪᔭᒥᓂᒃ ᖃᐅᔨᓴᕐᓂᕐᒥᒍᑦ ᑐᑭᓯᓯᒪᔭᒥᓂᒃ ᐅᓂᒃᑳᖃᑦᑕᓛᖅᑐᖅ ᕿᓚᐅᑎᐅᑉ ᒥᔅᓵᓄᑦ. Master instructors in the Honour The Qilaut Drum Course include Lamech Kadloo from The Tununiq Theatre Group and Igloolik drum dancer Pakak Innuksuk. Knowledge keepers include Susan Avingaq and Madeline Ivalu. Internationally acclaimed filmmaker, Zacharius Kunuk will present archival films he produced with North Baffin elders and share his own research into the knowledge of the Inuit Qilaut drum.
ᕿᓚᐅᔾᔭᖅᑎᓪᓚᕆᕈᕈᒪᔪᑦ ᐃᓄᐃᑦ ᓄᓇᖏᓐᓃᖔᖅᓯᒪᔪᑦ ᓄᓇᕘᒥ, ᓄᓇᕕᒻᒥ, ᓄᓇᑦᓯᐊᕗᒻᒥ ᓇᓗᓇᐃᖅᑕᐅᓚᐅᖅᑐᑦ ᑲᔪᓯᓯᒪᔪᑦ ᕿᓚᐅᔾᔭᓂᕐᒥᒃ ᐃᓕᖅᑯᓯᑐᖃᕐᒥᓂᒃ ᐅᐱᒍᓱᑦᑐᑦ. ᐃᓕᓐᓂᐊᕐᓂᖅ ᐊᖅᓴᕐᓃᑦ ᑐᔪᕐᒥᕕᖓᓃᓛᖅᑐᑦ, ᑕᕐᕆᔮᔅᓴᓕᐅᖅᑕᐅᖃᑦᑕᓛᖅᑐᑦ ᑕᒪᓐᓇ ᐊᑐᖅᑕᐅᒋᐅᖅᑐᖅ ᓴᖅᑭᔮᖁᓪᓗᒍ.
Aspiring drum dancers from across Inuit Nunangat including Nunavut, Nunavik and Nunatsiavut were selected to attend the course based on their dedication to drum dance and carrying on the tradition. The course will be held at the Aqsarniit Hotel in Iqaluit, a film will be made to document this historic event.
ᖃᒡᒋᐊᕘᑦ ᐃᒻᒥᓂᖅᓱᖅᑐᖅ ᑮᓇᐅᔭᓕᐅᕋᓱᑦᑎᐅᒐᓂ ᑎᒥ ᑲᔪᓯᑎᑦᑎᑦᑎᐊᕐᓂᕐᒧᑦ ᐃᓄᐃᑦ ᐱᓐᖑᐊᕈᓯᑐᖃᖏᓐᓂᒃ ᐱᐅᓯᑐᖃᖏᓐᓂᒃ ᖃᒡᒋᖅ ᐃᓕᓐᓂᐊᕐᓂᕐᒥᒃ ᑕᐃᔭᖓ. ᐱᓕᕆᐊᖓ ᐊᖏᓂᖅᐹᒥᒃ ᐃᓪᓗᒥᒃ ᓄᐃᑎᑦᑎᒐᓱᓐᓂᕐᒧᑦ ᑕᐅᑐᕈᓐᓈᕐᕕᐅᒐᔭᖅᑐᒥᒃ ᓴᓇᑐᔪᓄᑦ ᐃᓕᓐᓂᐊᕐᕕᐅᓯᓐᓈᕐᓗᓂ ᐃᓕᖅᑯᓯᑐᖃᑦᑎᒍᑦ ᓄᐃᓴᑎᑦᑎᓂᕐᒥᒃ.
Qaggiavuut is a non-profit society dedicated to strengthening the Nunavut’s performing arts community, regularly delivers training in the performing arts under ‘The Qaggiq School of Performing Arts’. A major goal of the Qaggiavuut Society is to build the Qaggiq, a performing arts and cultural learning hub in Nunavut that they hope will also be a place for artist support including a campus for the Qaggiq School of Performing Arts.
